මාතර දිස්ත්‍රික් අලෙවි නියෝජිත සමුළුව 2023
ජිවිතයට වාසනාව2023.09.092023-09-13 07:56:092023-09-13 08:59:232023-09-13 08:01:47අපේ හිතවත්කමත් , අපේ වත්කමත් වන්නේ අපේ අලෙවි නියෝජිත ජාලයයි. මාතර දිස්ත්‍රික් අලෙවි නියෝජිත සමුළුව මෙවර පසුගිය 09 වන සෙනසුරාදා ජාතික ලොතරැයි මණ්ඩලයේ සභාපති වෛද්‍ය චමීර සී. යාපා අබේවර්ධන මහතා සහ ජාතික ලොතරැයි මණ්ඩලයේ අධ්‍යක්ෂක නීතිඥ දිනේෂ් විදානපතිරණ මහතාගේ ප්‍රධානත්වයෙන් මාතර නුපේ සණස ශ්‍රවනාගාරයේදී ඉතා උත්කර්ෂවත් අන්දමින් පැවැත්වීමට හැකිවිය. මෙහිදී අලෙවි කටයුතු සිදුකිරීමේදී මුහුණදීමට සිදුවන ප්‍රායෝගික ගැටළු, අලෙවිය වර්ධනය කර ගැනීමට ගතයුතු ක්‍රියාමාර්ග මෙන්ම අලෙවි නියෝජිතයිගේ සහ ඔවුන්ගේ පවුල්වල සුබ සාධනය පිළබඳ ඉතා සාර්ථක කතාබහක නිරතවීය. මෙයට සමගාමිව මාතර පිටබැද්දර ප්‍රදේශයෙන් සුපිරි ත්‍යාගයක් දිනාගත් ජයග්‍රාහකයා ඇතුළු මාතර අවට ප්‍රදේශ වලින් බිහිවූ ප්‍රථම ත්‍යාගලාභීන් 04දෙනෙකු සඳහා ත්‍යාග පිරිනැමීම මෙහිදී සිදුකරන ලදී.මෙම අවස්ථාව සඳහා ජාතික ලොතරැයි මණ්ඩලයේ සභාපති වෛද්‍ය චමීර සී. යාපා අබේවර්ධන මහතා සහ ජාතික ලොතරැයි මණ්ඩලයේ අධ්‍යක්ෂක නීතිඥ දිනේෂ් විදානපතිරණ මහතා, මුලස්ථාන ප්‍රධාන පොලිස් පරීක්ෂක (මාතර පොලිස් ස්ථානය) සී.හෙට්ටිආරච්චි මහතා, මාතර මහ නගර සභාවේ නාගරික කොමසාරිස් කාංචනා කේ. තල්පාවිල මහත්මිය, නාගරික සංවර්ධන අධිකාරිය මාතර දිස්ත්‍රික්කය විධායක ඉංජිනේරු ආර්.පී.තරංග මහතා සහ ජාතික ලොතරැයි මණ්ඩලයේ සහකාර සාමාන්‍යාධිකාරීවරුන්, මාතර කලාප කළමණාකරු සහ නිළධාරී මහත්ම මහත්මීන්, ජාතික ලොතරැයි මණ්ඩලයේ මාතර දිස්ත්‍රික් අලෙවි නියෝජිතයන් සහ අලෙවි නියෝජිතවරියන් මේ සඳහා සහභාගී විය. මෙහි සංවිධාන කටයුතු ජාතික ලොතරැයි මණ්ඩලයේ නියෝජිත කළමනාකරණය අංශය විසින් සිදුකරන ලදී.
Picture Gallery
