බදුල්ල දිස්ත්‍රික් අලෙවි නියෝජිත සමුළුව සහ එම ප්‍රදේශයෙන්ම බිහිවූ සුපිරි ත්‍යාගලාභීන් 04දෙනෙකු සඳහා ත්‍යග පිරිනැමීම සහ කාන්තා සවිබල ගැන්වීමේ වැඩසටහන
ජිවිතයට වාසනාව2023.08.112023-08-21 08:10:182023-08-21 08:27:032023-08-21 08:16:14අපේ හිතවත්කමත් , අපේ වත්කමත් වන්නේ අපේ අලෙවි නියෝජිත ජාලයයි. පසු ගිය කාලය තුළ රටේ පැවති කොරෝනා වසංගතය සහ ආර්ථික තත්වයන් මත වසර කිහිපයකින් පැවැත්වීමට නොහැකි වූ බදුල්ල දිස්ත්‍රික් අලෙවි නියෝජිත සමුළුව මෙවර පසුගිය 12වන සෙනසුරාදා ජාතික ලොතරැයි මණ්ඩලයේ සභාපති වෛද්‍ය චමීර සී. යාපා අබේවර්ධන මහතාගේ ප්‍රධානත්වයෙන් ඌව පළාත් කළමනාකරණ සංවර්ධන ආයතනයේදී උත්කර්ෂවත් අන්දමින් පැවැත්වීමට හැකිවිය. මෙහිදී අලෙවි කටයුතු සිදුකිරීමේදී මුහුණදීමට සිදුවන ප්‍රායෝගික ගැටළු ,අලෙවිය වර්ධනය කර ගැනීමට ගතයුතු ක්‍රියාමාර්ග මෙන්ම අලෙවි නියෝජිතයිගේ සහ ඔවුන්ගේ පවුල්වල සුබ සාධනය පිළබඳ ඉතා සාර්ථක කතාබහක නිරතවීය. මෙයට සමගාමිව ඌව වෙල්ලස්සෙන් බිහිවූ කෝටි 10කට අධික සුපිරි ත්‍යාගයක් දිනාගත් ජයග්‍රාහකයා ඇතුළු එම ප්‍රදේශයෙන්ම බිහිවූ සුපිරි ත්‍යාගලාභීන් 04දෙනෙකු සඳහා ත්‍යග පිරිනැමීම සහ කාන්තා සවිබල ගැන්වීමේ වැඩසටහන යටතේ අලෙවි නියෝජිතවරියන් සඳහා පාපැදි ලබාදීමද මෙහිදී සිදුකරන ලදී. මෙම අවස්ථාව සඳහා පස්සර ප්‍රාදේශීය ලේකම් සහ පස්සර ප්‍රාදේශීය සභාවේ සභා ලේකම් ,ජාතික ලොතරැයි මණ්ඩලයේ බදුල්ල දිස්ත්‍රික් අලෙවි නියෝජිත සහ ජාතික ලොතරැයි මණ්ඩලයේ සහකාර සාමාන්‍යාධිකාරීවරුන්, බදුල්ල කලාප කළමණාකරු සහ නිළධාරී මහත්ම මහත්මීන් මේ සඳහා සහභාගී විය. මෙහි සංවිධාන කටයුතු ජාතික ලොතරැයි මණ්ඩලයේ නියෝජිත කළමනාකරණය අංශය විසින් සිදුකරන ලදී.
Picture Gallery
