ඉතිහාසය

  • 1955

    1954 වසරේ දී සෞඛ්‍ය අමාත්‍ය ධුරය හෙබවූයේ ඊ.ඒ. නුගවෙල මහතාය එතුමා විසින් ,ආරෝග්‍යශාලා ලොතරැයිය, නම් වූ එතක් මිහිදන්ව තිබූ ධන නිධානය. ඉහළට ගන්නා ලදී. ඒ ප්‍රයත්නයේ ප්‍රතිඵලයක් ලෙස 1955 අංක 4 දරන ආරෝග්‍යශාලා ලොතරැයි පනත මගින් ආරෝග්‍යශාලා ලොතරැයිය අරඹනු ලැබීය.

    ආරෝග්‍යශාලා ලොතරැයියේ ප්‍රථම දිනුම් ඇදීම.

    දිනය 1955 සැප්තැම්බර් 15 වෙනිදායග ස්ථානය කොළඹ නගර සභා පිටියයි. මෙදින මෙම ස්ථානයේ සිදුවන්නේ ලොතරැයි ඉතිහාසයේ ඓතිහාසික සිදුවීමකි. ජනතා සුවසෙත උදෙසා ආරම්භ කරන ලද ,ආරෝග්‍යශාලා ලොතරැයියේ” මංගල දිනුම් ඇදීම සිදුවූයේ ඉහත දිනයේ ඉහත ස්ථානයේය. ප්‍රථම ආරෝග්‍යශාලා ලොතරැයියේ ප්‍රථම දිනුම් ඇදීමෙන් ප්‍රථම ත්‍යාගය දිනාගත් වාසනාවන්තයා බිහි වූයේ කෑගල්ල ගලිගමුව ප්‍රදේශයෙනි. ඔහු බී.කේ. නයිදේ මහතාය. (එම්.පී. කිරිඅප්පු) ටිකට් පතෙහි මිල ශත 50 ක් වූ අතර, නයිදේ මහතා දිනාගත් මුදල රු. 97,343.50 කි. පිට පළාතක පළමු දිනුම් ඇදීම සිදුවූයේ මහනුවරදීය.

     

    ඉතිහාසය - Arogyashala-Lotharaiye-Prathama-dinum-adima ඉතිහාසය - Lotharaiye-Lanka-Gamanaya
  • 1963

    1963 අංක 11 මුදල් පනත යටතේ ජාතික ලොතරැයි මණ්ඩලය පිහිටුවීම

    ඉතිහාසය - logo-pic
  • 1964

    නව ගමනක ඇරඹුම

    ලොතරැයිය වෙනුවෙන්ම වෙන් වූ නව ආයතනයේ ප්‍රථම ලොතරැයිය, ජාතික ලොතරැයිය නම් වූ අතර එහි මංගල දිනුම් ඇදීම 1964 පෙබරවාරි 20 වැනිදා කොළඹ නිදහස් චතුරශ්‍රයේ දී සිදු කෙරිනි. ජාතික ලොතරැයිය ජනතාව අතර ජනප්‍රය වන්නට විය.

    
     

    ඉතිහාසය - Arambaka-yugaye-dinum-adim-yanthra ඉතිහාසය - Nawa-gamanaka-Arabuma
  • 1965

    1965 වසරේ 46 වැනි දිනුම් වාරයේ දී ප්‍රථම ත්‍යාගයට බෙන්ස් මෝටර් රථයක් පිරීනැමුණු අතර එය ජාතික ලොතරැයිය වටා ජනතාව තව තවත් රොදබඳින හේතුවක් විය. බෙන්ස් මෝටර් රථයේ වටිනාකම රුපියල් ලක්ෂයකි.

    
     

  • 1967

    ජාතික ලොතරැයි මණ්ඩලයේ කටයුතු පුළුල් වෙද්දී රට පුරා ශාඛා කාර්යාල ඇරඹීමේ අවශ්යතාව මතු විය. ඒ අනුව 1967 වසරේ දී ප්‍රථම ශාඛා කාර්යාලය රත්නපුර නගරයේ විවෘත කෙරිණ. අනතුරුව යාපනය, මාතර, ත්‍රිකුණාමලය, හම්බන්තොට, මහනුවර ඇතුළු සියලු දිස්ත්‍රික්කවල පාහේ ශාඛා කාර්යාල පිහිටුවිණ. ප්‍රධාන කාර්යාලයෙන් ශාඛා කාර්යාල වෙත දුම්රිය මගින් ලොතරැයි පත් සැපයීම සිදුකෙරීණ. අලෙවි නියෝජිතවරු ශාඛා කාර්යාලයට පැමිණ ලොතරැයිපත් ලබාගති. ඇතැම් අවස්ථාවල ශාඛා කාර්යාල භාර ශාඛා කළමනාකරු සහ සහකාර ශාඛා කළමනාකරු විසින් අදාළ ප්‍රදේශවල අලෙවි නියෝජිතයන් වෙත ලොතරැයි පත් ගෙන ගොස් දුනි.

    
     

  • 1969

    ලොතරැයි තුළින් තම වාසනාව උරගා බැලීමේ උනන්දුව ජනතාව වෙතින් දක්නට ලැබිණ. ඒ නිසාම නව ලොතරැයියක අවශ්‍යතාව මතුවන්නට විය. එය සපුරාලමින් 1969 වසරේ දී ජාතික සම්පත නමින් නව ලොතරැයියක් වෙළඳපොළට නිකුත් විණ. එය දිනුම් අදිනු ලැබුවේ මසකට වරකි.

    
     

    ඉතිහාසය - Aluth-uthsahayak
  • 1970

    අද ලොතරැයි ක්‍ෂේත්‍රයේ ඉහළින්ම වැජඹෙන ,මහජන සමිපත, රටට හඳුන්වා දෙන්නේ 1970ය. එහි  මංගල දිනුම් ඇදීම 1970 ජූලි 28 වැනි දා එවකට අග්‍රාරාමාත්‍ය සිරිමාවෝ බණ්ඩාරනායක මැතිණියගේ ප්‍රධානත්වයෙන් සිදු කෙරිණි.

    අද අප රටේ ඇති දිගුම ඉතිහාසයට හිමිකම් කියන ලොතරැයිය මහජන සම්පතයි. වැඩිම කෝටිපතියන් ප්‍රමාණයක්, විසි ලක්ෂපතියන්, දස ලක්ෂපතියන් ප්‍රමාණයක් ඇතුළු වැඩිම ජයග්‍රාහකයන් බිහි කළ ලොතරැයිය ද එයම වේ.

    එසේම එක් සුපිරි ත්‍යාගලාභියෙකුට පිරිනැමූ ඉහළම ත්‍යාග මුදල රු. හයකෝටි දහතුන් ලක්ෂය (දිනය 2006.09.29 - දිනුම් වාරය 1858)පිරිනැමුවේ ද, මහජන සම්පත ලොතරැයියෙනි.
    දනන් තුඩ තුඩ රැව් දෙන නාමයක් බවට පත්ව ඇති ,මහජන සම්පත ලොතරැයිය.

    2005 වසරේ දී ජනප්‍රිය වෙළඳ නාමයට හිමි අයිකොන් සමිමානයෙන් ද පිදුම් ලැබීය.

    පළමුව මසකට වරක් ද, පසුව සතියට එක් දිනක් ද, ඉන් අනතුරුව සතියට දෙදිනක් ද දිනුම් අදින ලද ,මහජන සම්පත අද වන විට සතියට තෙදිනක්ම දිනුම් අදිනු ලබන්නේ ජනතාව කෙරෙහි ඇති කර ගෙන ඇති නොබිදෙන විශ්වාසය නිසාය.

    ගම් දනව් සිසාරා ජයග්‍රාහකයන් බිහිකරමින් ඔවුන්ට කෝටි ගණනින් මුදල් පිරිනමන ,මහජන සම්පත රටේ සංවර්ධන කාර්යය උදෙසා ප්‍රමුඛ අනුග්‍රාහකයෙකු ලෙස පිරිනමන මුදල ද අති විශාලය.
    අප රටේ, නගරයේ, ගමේ, කුමන සංවර්ධන ක්‍රියාවලියක් සිදුවූව ද, ඊට මහජන සම්පත ලොතරැයියේ මූල්‍ය දායකත්වය ලැබී ඇති බැව් කිව යුතුය.

    ඉතිහාසය - Nawa-Yugayaka-nawa-piyawarak
  • 1975

    අංක 111/1 හි නව ගොඩනැගිල්ලට මාරුවීම, ශ්‍රීමත් චිත්තම්පලම් ඒ ගාඩිනර් මාවත
    
     

  • 1977

    ජාතික ලොතරයියේ මිල රු. සත 50/- සිට රු.1/- දක්වා ඉහල දමීම.
    
     

  • 1987

    ජාතික ලොතරැයි මණ්ඩලය 'දවසේ වාසනාව’ නමින් ලොතරැයියක් ඇරඹීය. එසේම 'Grand National Lottery' හෙවත් 'සුපිරි ජාතික ලොතරැයිය' නමින් ලොතරැයියක් ද වෙළඳපොළට නිකුත් කළේ මේ 80 දශකයේය. සුපිරි ජාතික ලොතරැයියේ  ප්‍රථම   දිනුම් ඇදීම 1987 අප්‍රේල්  21 වෙනිදා සිදු කළ අතර, ප්‍රථම ත්‍යාගයට රු. දස
    ලක්‍ෂයක් ද ප්‍රධාන  ත්‍යාග 11ක් හා සැනසිලි ත්‍යාග 1,250 ක් ද එහි විය.

    ජාතික ලොතරැයි මණ්ඩලය තුළ පැවති සම්ප්‍රදයක ලොතරැයි අතරට නව  මාදිළියේ ලොතරැයියක් හඳුන්වාදීම 1987 වසරේ දී සිදුකෙරුණි. එය 'ලොටෝ' නම් විය. එය ජාත්‍යන්තර  ලොටෝ ක්‍රීඩාව ආශ්‍රිත ලොතරැයියකි. නොමිලේ ලබා දෙන අංක සඳහන් කූපනයේ තමාට රිසි අංක සලකුණු කිර්ම තුළින් මෙම ක්‍රීඩාව හා එක්විය හැකිය. ජනතාවට මෙම ක්‍රීඩාව හා සම්බන්ධ වීම තව තවත් පහසු කරනු වස් පසු කලෙක සිස්ටම් කූපන් පත් නමින් කූපන් පතක් ද, මුද්‍රිත ටිකට් පත ද හඳුන්වා දෙනු ලැබීය. මෙහි ආදායමින් කොටසක් බැර කරනු ලැබුවේ සෞඛ්‍ය කේෂ්ත්‍රයේ කටයුතු සඳහා සෞඛ්‍ය අමාත්‍යංශය වෙතය. එනිසාම මෙය ' ආරෝග්‍යශාලා ලොටෝ ලොතරැයිය' ලෙස ද නම් ලැබීය.

    
     

    ඉතිහාසය - jathyanthara-muhunuwarak-3
  • 1988

     මහජන සම්පත මිල රු. 1 / - සිට 8 දක්වා වැඩි කළා.

    • ලොතරැයි ලොතරැයි හඳුන්වාදීම (සැප්තැම්බර් 1988)
      
      
    • 195 වැනි දිනුම් වාරයේ "මහජන සම්පත" ලොතරැයිය රූපවාහිනී තිරය ඔස්සේ මුළු රටක්
      ඇමතීය. මේ මංගල දිනුම් ඇදීම සිදුකෙරුණේ 1988 මැයි 10 වෙනිදාය.

  • 1989

    70 දශකයේ රුපියල් 1/= ක් වූ "මහජන සම්පත" ලොතරැයියේ මිල ඉන්පසු 80 දශකයේ දී
    රු. 2/=, 3/4, 5/=, 8/=, 10/= ලෙස ඉහළ ගියේය. රු. 10/- ක් වූයේ 89 වර්ෂයේදීය.

    
     

  • 1992

    1992 වසරේ දී නව ලොතරැයියක් ආරම්භ කෙරිණි. මෙය 'කලම්බු එයාර් පොර්ට් සුපර් ඩ්‍රෝ” නම් විය. ලොතරැයි පත මිල දී ගත යුත්තේ විදේශ මුදලිනි.
    ටිකට් පත් 5,000ක් අලෙවි වූ සැණින් දිනුම් ඇදීම සිදු කෙරේ. ත්‍යාගය ලෙස හිමිවන්නේ ඉතාම
    ඉහළ වටිනාකමකින් යුත් අති සුඛෝපභෝගී මෝටර් රථයකි. මෙහි අලෙවියෙන් ලැබෙන ආදායමින්
    කොටසක් වෙන් වන්නේ කොළඹ ගුවන් තොටුපොළ සංවර්ධන කටයුතු උදෙසාය.

    
     

    ඉතිහාසය - guwan-thotupalata-atha-hitha
  • 1994

    1994 ජනවාරි 31 වනදා ජාතික ලොතරැයි මණ්ඩලය තවත් ලොතරැයියක් රටට දායාද කළේය. ඒ 'වාසනා සම්පත' ලොතරැයියයි. 
    නව ලොතරැයිය ජනතාව මහත් කැමැත්තෙන් පිළිගනිති. ආරම්භයේ දී මෙහි ප්‍රථම ත්‍යාගයක්
    හා අනෙකුත් ත්‍යගය පමණක් වූ අතර, පසුව එය වෙනස් වී කෝටියෙන් ඇරඹෙන සුපිරි ත්‍යගයක්,
     දස ලක්‍ෂයේ ප්‍රථම ත්‍යාග සහ තවත් ත්‍යාග රැසකින් යුත් ආකර්ෂණීය ත්‍යග රටාවක් එයට එක්විය.
     

     

    ඉතිහාසය - Janatha-dothata-wasana-sampathak
  • 1995

    අප රට බත බුලතින් සරුකරන ගොවි ජනතාවගේ සුබ සෙත උදෙසා ලොතරැයියක් ඇරඹීමේ අදහස ජාතික ලොතරැයි මණ්ඩලයට ඉදිරිපත් විය.
    එහි ප්‍රතිඵලයක් ලෙස 1995 වසරේදී "ගොවිසෙත" ලොතරැයිය ආරම්භ කෙරිණ.
    
    මෙහි ආදායමින් කොටසක් බැරවන්නේ මහා භාණ්ඩාගාරය හරහා කෘෂිකර්ම අමාත්‍යංශය වෙතය.
    සෑම ලොතරැයි වාරයකින්ම ඉතා විශාල මුදලක් මෙසේ බැරවේ. ගොවි ජනතාව අතර පමණක් නොව සියලු ජනකොටස් අතර ද "ගොවිසෙත” ලොතරැයිය ප්‍රචලිත විය.
    
    මේ වන විට එමගින් බිහි කර ඇති කෝටිපතියන්, දස ලක්‍ෂපතියන් ඇතුළු අනෙකුත් ජයග්‍රාහකයන් ප්‍රමාණය කෝටි ගණනක් වේ.
    ජනතාවගේ මේ ආකර්ෂණය නිසාම අද "ගොවිසෙත" ලොතරැයිය සතියකට දෙදිනක් දිනුම් අදිනු ලබයි.
    
     

    ඉතිහාසය - Gowi-dathata-nawa-jawayak2
  • 1996

    සමෘධිලාභීන්ගේ හෙට දවස උදෙසා ලොතරැයියක් ආරම්භ කිරීමේ යෝජනාව අමාත්‍යංශයක් හරහා ජාතික ලොතරැයි මණ්ඩලය වෙත ඉදිරිපත් විය.
    ඒ 1996 වසරේය.
    මේ වන විට සංවර්ධන ලොතරැයිය හා සෙවණ ලොතරැයිය මගින් ක්‍ෂණික ලොතරැයි වෙළඳ පොළට හඳුන්වාදී තිබිණි.
    ජාතික ලොතරැයි මණ්ඩලය ද වෙනස් පියවරක් තබමින් සමෘද්ධිලාභීන් උදෙසා “සමෘද්ධි ක්‍ෂණික " ලොතරැයිය හඳුන්වා දුනි.
    
     

    ඉතිහාසය - samurdimath-heta-dawasakata
  • 1997

    වැඩ කරන ජනතාව වෙනුවෙන් අරමුදලක් පිහිටුවීය යුතු යැයි ද,

    ඒ සඳහා ලොතරැයියක දායකත්වය ලබා ගත යුතු යැයි ද කමිකරු අමාත්‍ය  ධුරය දැරූ වත්මන් ශ්‍රී ලංකාවේ අතිගරු ජනාධිපති මහින්ද රාජපක්‍ෂ මැතිතුමා යෝජනා කළේ ය.

    එහි අවසන් ප්‍රතිඵලය   වූයේ "ශ්‍රම වාසනා" ක්‍ෂණික ලොතරැයිය බිහිවීමය. එය සිදුවූයේ 1997 වසරේ දී ය.

    ක්‍ෂණික ලොතරැයියක් ලෙස ආරමිභ වූ "ශ්‍රම වාසනා", පසුව දිනුම් අදින ලොතරැයියක් බවට පරිවර්තනය වීය.

    
     

  • 1999

    ජනසෙත ලොතරැයිය වෙනුවට නව ලොතරැයියක අවශ්‍යතාව වෙළඳ පොළ තුළින් මතු විණි.

    එය යොවුන් පරපුර ඉලක්ක කර ගත යුතු යැයි ජාතික ලොතරැයි මණ්ඩලය අදහස් කළේය. ලොතරැයිය සුපිරි වාසනා සම්පත’ නමින් නම් කෙරිණි.

    ප්‍රචාරණ කටයුතු කළේ තරුණ පෙළට ගැළපෙන පරිදිය.

    විශාල ප්‍රසිද්ධියක් ලබා දෙමින් 1999 වසරේ දී මෙය වෙළඳ පොළට නිකුත් කෙරිණි.

    දිනුම් ඇදීම් සෙනසුරාදා දිනයන්හි සිදුවිය.

    “ක්‍රීඩා” හා “ජනසෙත” ලොතරැයි නතර කළ බැවින්, ක්‍රීඩා හා සමාජ සුබසාධන අමාත්‍යංශය දෙකට එම ලොතරැයි දෙකෙන් දුන් දායකත්වය ඉනික්බිති "සුපිරි වාසනා සම්පත" තුළින් ලබා දුනි.

    
     

    ඉතිහාසය - yowun-pelata-supiri-wasanawak
  • 2000

    වීරෝදාර රණවිරුවන් සහ ඔවුන්ගේ පවුල්වල සාමාජිකයන්ගේ සුබසාධනය උදෙසා ආරක්ෂක අමාත්‍යංශය
    විසින් පිහිටුවා තිබූ රණවිරු අරමුදලට ජාතික ලොතරැයි මණ්ඩලයේ දායකත්වය ලබාදීමේ අවශ්‍යතාව පැන නැගිණ.

    එය ඉටුකරලමින් වසර 2000 දී "ජයවිරු" ලොතරැයිය හඳුන්වා දෙනු ලැබීය.

    
     

    ඉතිහාසය - Ranawiruwanta-upaharayak
  • 2004

    නියඟය, ජල ගැලීම් වැනි ස්වභාවික විපත්වල දී ජාතික ලොතරැයි මණ්ඩලයේ දායකත්වය නිරතුරුව ලබාදුනි.
    
    2004 වසරේ අප රටට බලපෑ සුනාමි වියසනයේ දී ලබාදුන් දායකත්වය එහි උච්ඡතම අවස්ථාවක් ලෙස සැලකිය හැකිය.
    
    එතෙක් අප රට අත් නොවිඳි අතිශය බිහිසුණු හා ඛේදනීය අත්දැකීමක් වූ සුනාමි විපතේ දී ජාතික ලොතරැයි මණ්ඩලය ජනතාවට සහන සැලසීමට වහා පියවර ගති.
    
    ඒ අනුව 'සරණ' නමින් ලොතරැයියක් අරඹා දිනුම් වාර කීපයක් පවත්වා, එහි ආදායම සුනාම් අරමුදලට ලබාදුනි.
     
     

    ඉතිහාසය - Sunamiyata-saranak ඉතිහාසය - Sunamiyata-saranak2
  • 2005

    SLIM විසින් පවත්වන ලද බැංකු, මූල්‍ය සේවා කාණ්ඩය යටතේ මහජන සම්පත 2005 සඳහා වඩාත් කැමති සන්නාමය ලෙස සම්මාන ලැබීය.
    
     

  • 2006

    රෝහල් පහසුකම් වැඩි දියුණු කිරSමට, සෞඛ්‍ය කේෂ්ත්‍රයේ විවිධ අවශයතා සපුරාලීමට ආරමිභ කළ "ආරෝග්‍යශාලා ලොටෝ”
    ලොතරැයිය වෙනුවට සුවසෙතනමින් නව ත්‍යාග රටාවකින් යුත් ලොතරැයියක් වෙළඳ පොළට නිකුත් කෙරිණි.
    
    ඒ 2006 වසරේදීය.
    
     
    
     

    ඉතිහාසය - Janathawata-suwasetha
  • 2007

    නව ගුවන් තොටුපල ලොතරැයියක් හඳුන්වා දෙන ලදී
    • ගුවන් තොටුපල සුපර් ක්රෙඩිට් ලොතරැයියේ මිල ඇමරිකානු ඩොලර් 25 සිට 50 දක්වා වැඩි විය.
      
       

     

    
     

  • 2010

    "ජාතික සම්පත” නමිත් නව ලොතරැයියක් වෙළඳ පොළට නිකුත් කෙරිණි.
    
    එය බදාදා සහ සෙනසුරාදා දිනුම් අදිනු ලැබූ අතර, බදාදාට නියමිත ලොතරැයි අලවියෙන් ලැබෙන ආදායමින් ප්‍රතිශතයක්
     සෞඛ්‍ය අමාත්‍යංශය වෙත ද, සෙනසුරාදා ලොතරැයි අලෙවියේ ආදායමින් ප්‍රතිශතයක් කම්කරු අමාත්‍යංශයේ ශ්‍රම  වාසනා අරමුදල වෙත ද බැර කරනු ලබයි.
    
    "ජාතික සම්පත” ප්‍රථම දිනුම් ඇදීම සිදු කෙරුණේ 2010 මාර්තු 03 වෙනිදාය.
     

    ඉතිහාසය - parani-namata-nawa-hadayak
  • 2011

    වසර සඳහා වන විකුණුම්වල වටිනාකම රුපියල් බිලියන 10 ක් (ඉතිහාසයේ පළමු වරට)
    • අහෝසි කරන ලද ජයවිරු ලොතරැයිය වෙනුවට සුපිරි වාසන සම්පත් ලොතරැයිය බදාදා දිනවල හඳුන්වා දෙන ලදී.
    • නව ගුවන් තොටුපල ලොතරැයියක් පවත්වන ලදී. දුර්වල ක්‍රියාකාරිත්වය හේතුවෙන් මෙම ලොතරැයිය අහෝසි කරන ලදී.
    • සති 3 ක කාලයක් ඇතුළත රු. 10 ට වැඩි සුපිරි තෑගි 5 ක් පිරිනැමීම.
      
       
    
     

  • 2012

    ජාතික ලොතරැයි මණ්ඩලය රූපවාහිනී තිරය ඔස්සේ දිනුම් අදින ලද ප%ථම දිනුම් ඇදීමේ වැඩසටහන (මහජන සම්පත) නම් කළේ "සම්පත් රේඛා" නමිනි.
    
    ඒ නම යොදා ගනිමින් 2012 වසරේ දී නව ලොතරැයියක් වෙළඳ පොළට නිකුත්  කළේ වෙළඳ පොළ අවශ්‍යතා සලකd බලමින් හා 50 වන සංවත්සරයට සමගාමීවය.
    
    මේ වන විට "මහජන සම්පත" දිනුම් අදින දින තුන තුළ දීම (අඟහරුවාදා, සිකුරාදා, ඉරිදා) "සම්පත් රේඛා” දිනුම් අදිනු ලබයි.
    
     
    
     

    ඉතිහාසය - mula-mathak-kirima
  • 2013

    ගෝවිසෙත ලොතරැයියේ සුපිරි ත්‍යාගය රුපියල් මිලියන 10 සිට රුපියල් 40 දක්වා වැඩි කරන ලදී.
    • සම්පත් රේඛා ලොතරැයියේ සුපිරි ත්‍යාගය රුපියල් මිලියන 5 සිට රුපියල් මිලියන දක්වා වැඩි කරන ලදී.
    • එන්එල්බී 50 වන සංවත්සරය වෙනුවෙන් මෙගා 50 ලොතරැයියක් හඳුන්වා දෙන ලදී.
      
       
    
     

    ඉතිහාසය - Mega-athdakimak
  • 2014

    බලය ලොටෝ නම් නව ලොතරැයි හඳුන්වාදීම.
    
     

  • 2015

    ලොතරැයි අලෙවිකරුවන් සඳහා "දිසසරණ" රක්ෂණ ක්‍රමය ආරම්භ කිරීම (2015 ජූනි)
    • නීරෝගා (2015.07.25) නමින් නව ලොතරැයියක් හඳුන්වා දෙන ලදී
    • 31 වන ගුවන්තොටුපල සුපිරි දිනුම් ඇදීම පැවැත්විණි (2015.08.15)
    • එක් දිනක් තුලදී ලොකෑම ලොතරැයි දින තුනක් ඇඳීම ආරම්භ කිරීම (2015.09.01 දින සිට)
    • "මහත්මා" යනුවෙන් නම් කරන ලද පළමු වරට ඩයලොග් සම්මේලන සම්මාන උළෙල (2015 දෙසැම්බර්)
      
       
    
     

  • 2019

    • අඩු ආදායම්ලාභි පවුල්වල දරුවන් හා විශේෂ දක්ෂතා ඇති දරුවන්ගේ සුභ සාධනය හා ඔවුන්ගේ අනාගත සුරක්ෂිතතාවය සඳහා අතදීමට 'දරුවන් සුරකිමු - ජාතික භාර අරමුදල' ස්ථාපිත කරනු ලැබූ අතර 2019 ඔක්තෝබර් 01 වන දින නිළ වශයෙන් එම අරමුදල හදුන්වාදෙන ලදි.
    • එම අරමුදල ශක්තිමත්ව අඛන්ඩව පවත්වා ගැනීමට මුදල් සපයා ගැනීම සඳහා 'දරු දිරි සම්පත' නමින් නව ලොතරැයියක් වෙළඳපොලට හදුන්වා දෙන ලදි.
    • 2020.01.30 වන දින එහි පළමු දිනුම් ඇදීම පවත්වන ලදි. 

     

    ඉතිහාසය - ticket